2019 сыл түмүгүнэн соһуччу үөрүүлээх түгэн

Төрөөбүт дойдубут айылҕатын харыстааһыҥҥа элбэх араас дьаһаллар ылыллаллар даҕаны, ыытыллаллар даҕаны. Онно тэрилтэлэринэн, биирдиилээн дьоннор, оҕолор да кыттыыны ылаллар. Бэйэтин дойдутун олус сөбүлүүр киһи хаһан даҕаны туох да ыйыыта кэрдиитэ, уурааҕа суох айылҕа ыраас, доруобай буолуутугар куруук кыһанар, болҕомтотун уурар, харыстабыллаахтык сыһыаннаһар, көрөр- харайар, оҕолору да онно сыһыарар. Биһиги тэрилтэҕэ биир оннук  патриот киһинэн Октислава Владиславовна Аргунова буолар. Кини бэйэтэ Ытык-Күөл үрэҕин куруук ыраастыыр, бөҕүн -сыыһын хомуйар. Ити үтүө дьылатыгар дьиэ кэргэнин барыларын кытыннарар. Оҕолорун   айылҕаҕа харыстанньаҥ буоларга, төрөөбүт дойдуну таптыырга, бэйэ дойдутугар патриот (бэриниилээх) буолалларыгар үөрэтэр.

Октислава Владиславовна бу үтүө дьыалата үрдүктүк сыаналанна.

Таатта улууһун бочуоттаах гражданинын Юрий Егорович Чербоев үтүө аатын үйэтитэн олохтоммут харчынан бирииҺи  уонна грамотаны  Чербоевтар дьиэ кэргэннэрэ “  . Ийэ айылҕаны харыстааһыҥҥа бигэ тирэх, сүрүн төһүү, үтүө холобур буола, үүнэр көлүөнэ ыччаты айылҕаны харыстыырга, төрөөбүт дойдуну муҥура суох таптыырга, иитэ-үөрэтэ сылдьаргытыгар”  диэн махтанан туран Тааттыныскай нэһилиэккэ 2019 сылы түмүктүүр бырааһынньыгар  үрдүк трибунаттан  Аргуновтар дьиэ кэргэннэригэр туттардылар.  Бу олус сөптөөх быһаарыныы буолбутун туоһулаан заалга мустубут дьон бары ытыс таһыннылар, үөрдүлэр, астыннылар, Аргуновтары истиҥник эҕэрдэлээтилэр.

Ити курдук айылҕаны харыстааччылар элбии турдуннар, айылҕабыт куруук ыраас, доруобай буоларын туһугар  күүспүтүн түмүөҕүҥ!

0

Автор публикации

не в сети 1 неделя

Сатабыл

30
Комментарии: 0Публикации: 630Регистрация: 15-01-2018

Добавить комментарий

Ваш адрес электронной почты не будет опубликован.

Авторизация
*
*
Регистрация
*
*
*
Пароль не введен
*
Генерация пароля