“Эйэ холууба” Республиканскай эстафетаҕа кыттыһыы.

Нам улууһун “Сайдыы” Оҕо айымньытын дьиэтин оҕолоро Кыайыы 75 сылын көрсө “Эйэ холууба” эстафета5а Республика эбии үөрэхтээһин тэрилтэлэрин ыҥырыытыгар кыттыстыбыт. Уус Алдан улууһун эбии үөрэхтээһинин киинин оҕолоруттан эстафетаны биһиги Тааттабыт улууһун “Сатабыл” Оҕо айымньытын дьиэтин оҕолоро муус устар 28 күнүгэр туппуппут. Бу эстафетаҕа кыттыһан биһиги үөрүүнэн төрөппүттэрбитин кытта көмөлөөн эйэ холууптарын оҥордубут. Кыайыы 75 сылын көрсө, сэриигэ охтубут, өстөөҕү кыайан-хотон кэлбит буойуннарга махталбытын, кинилэргэ сүгүрүйэрбит биллэрэн, эйэлээх олоҕу уһансыбыт тыыл ветераннарыгар махтанан Аан дойдуга Эйэ, Дьол буоларын туһугар бэйэбит илиилэрбит сылааһынан, сүрэхпит тапталынан 75 холуубу оҥорон күөх халллааҥҥа көтүттүбүт. Бу дириҥ ис хоһоонноох эстафетаны Ольга Иванова-Сидоркевич аатынан Амматааҕы Айар-сайдар киин оҕолоругар муус устар 29 күнүгэр ыыттыбыт.

Сир дойду үрдүгэр, бары норуоттарга, хас биирдии дьиэ кэргэҥҥэ Сырдык, Сылаас Таптал, сарсыҥҥыга Эрэл, ЭЙЭ туругурдун! Баар буоллун куруук КҮН, Баар буоллун куруук ЭЙЭ, баар буоллун куруук ИЙЭМ, Баар буолуум куруук МИН!

Таатта улууһун “Сатабыл” Оҕо айымньытын дьиэтин оҕолоро.

0

Автор публикации

не в сети 22 часа

Сатабыл

30
Комментарии: 0Публикации: 330Регистрация: 15-01-2018

Добавить комментарий

Ваш адрес электронной почты не будет опубликован.

Авторизация
*
*
Регистрация
*
*
*
Пароль не введен
*
Генерация пароля